الفن الجميل الهادف
دلوقتي اي شخص فينا لو سال اي شخص اخر عن مطرب بيحب
يسمعه هيقوله اسماء ممكن يكون السائل مش عارف الناس
دي مين وياتري دول مطربين منذ متي ؟؟؟؟
الفن الجميل الهادف اعتقد انه خلاص لم ولن يكون موجود غير في
الاغاني القديمة امثال سيد درويش وام كلثوم عبد الحليم حافظ
والشيخ امام عيسي الشيخ الذي سجن بسبب الغناء
وبالمناسبة الشيخ امام عيسي يعتبر من اوائل الناس اللي اجهروا
بسخريتهم وغضبهم من النظام الحاكم اللي هو عبد الناصر ايامها
لدرجة ان عبد الناصر اصدر قرار بعدم خروج الشيخ امام الرجل الكفيف
من المعتقل الا بعد وفاته .. وفعلا السادات هو اللي اصدر عنه قرار
العفو بعد موت عبد الناصر
بصراحة مش عارف قانون ايه ده اللي يحكم علي مواطن كفيف
بالسجن طول حياة الحاكم
القرار ده لو اطبق في اوروبا الناس هتفرح لان الرئيس بيتغير كل
خمس سنين وبالكتير 10 سنين لما يحكم فترتين
انما في الدول العربية يبقي اللي هيتسجن يفضل في المعتقل
لحد ما يموت والحاكم يفضل عايش
… وبعدين اوروبا مفيهاش معتقلات ….
احمد فؤاد نجم والشيخ امام عيسي قدروا انهم يمزجوا بين الغناء
والطرب وبين المعارضة للحاكم الجائر وايضا الي انتقاد الامور التي
لا تروق لهم .. طريقة جميلة انتشرت في هذه الفترة بين شباب
الجامعات المصرية واستخدموها في المظاهرات كوسيلة للتعبير
عن غضبهم واعتراضهم علي قرارات ومواقف الحاكم
فقد كان نجم يؤلف وامام يلحن ويغني والشعب يحفظ الاغنية
وتاني يوم تلاقي كل القاهرة بتغني اغنية جديدة يسخروا بيها
من موقف او وضع او قرار للحكومة والحاكم ودا اللي خلي الحكومة
تحطهم في دماغها … اصل الحكومات العربية دماغها كبيرة قوي
وكرشها اكبر بكتير
بعد السيرة الغم دي
اسمعكم بقا اغنية الشيخ امام اللي اعتقل بسببها وصدر ضدده
حكم عبد الناصر بالسجن طول حياة عبد الناصر
لاحظ ان عبد الناصر مات سنة 1970 والاغنية اتغنت
لاول مرة سنة النكسة 1967
وكان في الفترة دي كل الشعب المصري بيالف نكت علي الجيش
وعلي الضباط وعلي اي حد لابس ملابس عسكرية
فخرج عبد الناصر في التليفزيون وطلب من الشعب المصري
عدم تأليف نكت علي الضباط المهزوميم
المزيد
ـــــــــــــــــــــــــــــــــــــــــــــــــــــــــ
التصنيفات : غير مصنف |
