جمهورية فرحــات

رحماك ربي

غزة الارض الفلسطينية العربية المسلمة تتعرض لهولوكوست اسرائيلي صهيوني

اليهود الذين ملئوا العالم بالبكاء علي الهولوكوست النازي ضدهم

الان يقولون انهم سينفذون الهولوكوست في غزة ويحرقون الفلسطينيين بالقطاع

غزة التي تعرضت لمؤامرة اسرائيلية امريكية فلسطينية مصرية سعودية اردنيه

عندما قامت امريكا ومصر واسرائيل بارسال رجال امن من رجال عباس ودحلان

بعيدا عن الشرفاء من حركة فتح الذين تم تغيبهم عن الواقع تمام في تلك الاحداث

رجال عباس ودحلان الذين جاؤا الي مصر للتدريب علي السلاح وعلي كيفية الاطاحة بحماس

ونسي دحلان وعباس ان المقاومة هي التي مازالت القلب النابض في القضية الفلسطينية

من فتح وحماس والجهاد والاجنحة

معني كلمة قبطي التي تتداول في المجتمع المصري علي

أنها تعني مسيحي

بص معايا بقا يا سيدي

كلمة قبطي معنها بالانجليزي ايجيبت والكلمة دي كانت بتطلق

علي سكان أرض مصر عند دخول الاسكندر الاكبر لمصر قبل الميلاد

يعني قبل الديانة المسيحية وقبل المسيح ما حتي يتولد

يبقي ازاي قبط

اللي هي ايجيبت يبقي معاناها مسيحي ؟؟؟ بالعقل كده ؟؟؟

كلمة قبط كانت تطلق علي ارض مصر وقبطي علي سكان ارض مصر

اللي هي بالانجليزي

egypt and egyption

ازيكم يا أهل جمهورية فرحات وحشتوني جدااا وكمان الوزراء ورئيس

الوزراء الكرام اللي سألوا عليا كتير وانا في الامتحانات .. الحمد لله

حليت كويس ويارب النتيجة تكون كويسة في منتصف مارس ان شاء الله

الادراج ده حبيت افرحكم واضحكم بشوية صور جميلة مضحكة

الصورة الاولي

ومكتوب فيها .. الجمعية الجغرافية .. الحمام مغلق بسبب سرقة الشطافات .. بعد التصليح الحمام مراقب

خلي بالك اوعي حد يدخل الحمام ده لحسن يكونوا حاطيين كاميرات مراقبة بجد وتبقي مصيبة

الصورة الثانية

ومكتوب فيها .. سلسة محلات حلويات العبيط

ازاي عبيط وازاي عنده سلسة محلات ؟؟؟!!!

عااااااااااام مضي وولي بلا رجعة

وعااااااااااااااااام قااااااااادم بلا معالم واضحة

هذا هو الحال هذه الأيام .... فماذا نحن فاعلون ؟؟؟

هل كان لك أهداف تريد تحقيقها في بداية العام المنصرم

هل حققت أي منها ؟؟؟؟ أم فشلت ؟؟؟ أم نسيت ؟؟؟

هل وضعت أهداف العام الجديد والتي تدعوا الله بإخلاص أن يعينك

علي تحقيقها كلها أو بعضها ؟؟

أم مازلت تااايه في ملكوت الله ؟؟؟؟ في بحر ممتد بلا شواطيء

كل سنة وانتم طيبين .. بمناسبة عيد الضحي وفريضة الحج الاعظم ..

وما يحملانة من معاني في تجمع المسلمين وقربهم من بعضهم ..

حبيت نتذكر امجاد المسلمين والعرب فيما مضي ...

والارض اللي هنتذكرها انهارده ارض مسلمة حكمها العرب لمئات

السنين مثل الأندلس ...

انها أرض دولة زنجبار ...

الحكاية بقا ياسيدي بتبتدي منين .. اسمع ياسيدي اسمع ...

الفن الجميل الهادف

دلوقتي اي شخص فينا لو سال اي شخص اخر عن مطرب بيحب

يسمعه هيقوله اسماء ممكن يكون السائل مش عارف الناس

دي مين وياتري دول مطربين منذ متي ؟؟؟؟

الفن الجميل الهادف اعتقد انه خلاص لم ولن يكون موجود غير في

الاغاني القديمة امثال سيد درويش وام كلثوم عبد الحليم حافظ

والشيخ امام عيسي الشيخ الذي سجن بسبب الغناء

وبالمناسبة الشيخ امام عيسي يعتبر من اوائل الناس اللي اجهروا

بسخريتهم وغضبهم من النظام الحاكم اللي هو عبد الناصر ايامها

لدرجة ان عبد الناصر اصدر قرار بعدم خروج الشيخ امام الرجل الكفيف

من المعتقل الا بعد وفاته .. وفعلا السادات هو اللي اصدر عنه قرار

العفو بعد موت عبد الناصر

بصراحة مش عارف

الميكروباص

اكثر وسيلة مواصلات كلنا بنتعامل معاها واولكم انا

شوفتم بقا ( رئيس جمهورية ) وبركب ميكروباص

المهم الميكروباص بيمثل لنا كلنا حاجة مهمة جدا جدا

المشكلة بقا فين ؟؟؟؟

الموديل الجديد بتاع سنة 2006 دا بقا حكايته حكايه

الكراسي متغيرة والعربية ضاقت والشبابيك صغيرة وفي الصيف

والحر بقا ايه ماحكيلكش العربية بتبقي مولعة والناس مخنوقة والجو حر

اعتقد انك كمصري عارف وفاهم انا بتكلم عن ايه ؟؟

بسم الله الرحمن الرحيم

في البداية احب اعرفكم بنفسي انا فرحـــات عندي 21 سنة

كان عندي مدونة علي بلوج سبوت لكن بصراحة زهقت من البلوج

سبوت وكمان اسلوب المدونة مش عاجبني في الفترة الاخيرة

صاحبي المفتكس صاحب مدونة افتكاسة قالي اعمل مدونة في

مكتوب وبعد شوية او شويتين تفكير قولت نجرب مش هنخسر

حاجة بالعكس هنتعرف علي ناس جداد ومحترمين

المهم جيت اعمل مدونة لقيت الناس كلها عاملة مدونات

قولت لنفسي لازم اعمل حاجة مختلفة شوتين ثلاثه

اعمل ايه اعمل ايه اعمل ايه .... تعمل ايه يافرحات ؟؟؟

قولت