الميكروباص
اكثر وسيلة مواصلات كلنا بنتعامل معاها واولكم انا
شوفتم بقا ( رئيس جمهورية ) وبركب ميكروباص
المهم الميكروباص بيمثل لنا كلنا حاجة مهمة جدا جدا
المشكلة بقا فين ؟؟؟؟
الموديل الجديد بتاع سنة 2006 دا بقا حكايته حكايه
الكراسي متغيرة والعربية ضاقت والشبابيك صغيرة وفي الصيف
والحر بقا ايه ماحكيلكش العربية بتبقي مولعة والناس مخنوقة والجو حر
اعتقد انك كمصري عارف وفاهم انا بتكلم عن ايه ؟؟
الموديل القديم كان واسع وكبير والكرسي بتاعه معد لانه يستقبل
اكبر عدد من الركاب ... ليه ؟؟؟
لان السواقيين المصريين ربنا يخليهم للشعب المصري قنوعين جداا
بمعني ان الكرسي الوحد بياخد اربع ركاب في عين العدو
وساعات خمسة ... انا مرة ركبت في كرسي فيه 6 ركاب
المهم
شركة تويتا عرفت الفوله وعملت الموديل الجديد بتاعها الضيق
قوي ومنه نوع كبير واسع يعني الكرسي فيه بياخد خمسة
في عين العدو
لكن المشكلة اللي محيراني وتعباني هي
الشبااااااااااااااااااااااااك
الكرسي الاخير مفيش فيه شباك وبعض السواقيين بيلغي الشباك
اللي في الكرسي قبل الاخير كماااان
دا غير ان الشبابيك تصميمها مختلف شوية لما العربية سرعتها
بتزيد عن الـ 100 كيلو متر الهواء صوته بزيد وبيقبي جامد
علشان كده الناس بتقفل الشبابيك ويموتوا من الحر ميهمش
انا بعتقد ان الشبابيك دي مصممة للسوق الخليجي مش المصري
ليه ؟؟
لان الشبابيك في الخليج ملهاش لازمة لانهم مش بيستعملوها
علشان التكييف شغال علطول بالليل والنهار صيف وشتاء
لكن المصريين الغلابه ميقدروش يتغنوا عن الشبابيك خالص
والظاهر ان شركة تويوتا عرفت الموضوع ده
وعلشان كده بتزل المصريين اكثر ما هم مزلولين
---------------
نسيت اقولكم ان شركة تويوتا وكيلها في مصر شركة منصور للسيارات
ودي زي ما كلنا كمصريين عارفين بتاع وزير المواصلات المصري الحالي
------------------------------
ودي كانت تجربتي مع الميكروباص والتي تتكرر يوميا
ياتري مين فيكم عنده تجربة ميكروباصية يحكيها لنا ؟؟؟؟
كتبها فرحـــات في 11:59 صباحاً ::
20 تعليق
في06,كانون الأول,2007 - 01:37 مساءً, هادي الشنتير كتبها ...
جميل جدا اشكرك يا اخي
واقول ان مدونتك جميلة ورائعة
شكرت
في06,كانون الأول,2007 - 02:29 مساءً, فرحـــات كتبها ...
الاخ ( هادي )
شكرا علي مرورك وتعليقك
يا تري ممكن تحكي تجربة ليك مع الميكروباص ؟؟
في12,كانون الأول,2007 - 05:36 مساءً, المفتكـس كتبها ...
رئيس ايه بس اللي بيركب ميكروباص ده ؟!!
أمال فين الليموزين أم إزاز فاميه .. والموتوسيكلات اللي بتمشي قدامها ...
اللي المرور يوقف مخصوص ويعطل مصالح الناس الغلابة علشان خاطرهم ...
اعذرني يا سيادة الرئيس (فرحات) انت كده بتبهدل جنابك في مواصلات العامة (عامة الشعب يعني) ...
وكده يبقى ايه منظرك قدام الرؤساء والملوك والأمراء ... لما يعرفوا الحكاية دي ...
في13,كانون الأول,2007 - 08:59 مساءً, فرحـــات كتبها ...
والله يا سيدي شد حيلك واقبل انك تبقي ئيس الوزراء واحنا نطبخها سوا
وتشتريلي عربية فور زائد فور
ونشتريلك عربية ثري باي ثري
ونهيص بقا
في13,كانون الأول,2007 - 11:15 مساءً, aya esmael كتبها ...
هههههههههههههههههههه هقول ايه مصيبة وكارثة
شوف انت باة لما تبقي رئيس وهو رئيس وزارة وتطبخوها سوا هيبقي الوضع ايه؟؟؟؟؟
عجبتي حكاية فور زائد فور ---- ثري باي ثري
طب والشعب هيركب ايه وقتها دونكي كورلا؟ ولا النسيان توت توك
في14,كانون الأول,2007 - 02:22 مساءً, فرحـــات كتبها ...
الاخت ( aya esmael )
مرحبا بيكي مرة تانية في مونتي المتواضعة
بصي بقا ياستي
موضوع العربيات دا مهم جدا وحيوي لان انا بصراحة ابهدلت جداا في الميكروباصات
والحمد لله ان محافظتي اللي انا عايش فيها مفيهاش مترو انفاق والا كنت اتبهدلت اكثر
وبالنسبة للشعب والله ممكن نركبه عربية موديل توو ناقص توو
ـــــ
ومنعا للقر والحسد
ممكن نمسكك وزارة الخارجية
ايه رأيك ؟؟؟
بعد اذن رئيس الوزراء طبعا
في14,كانون الأول,2007 - 06:24 مساءً, المفتكـس كتبها ...
عودة رئيس الوزراء للبت في أمر تعيين (آيــة) وزيرة للخارجية ...
0000000000000
والله أنا معنديش مانع ...
على الأقل هنضمنها في صفنا وتنسى موضوع (كوكو أمن) ده خالص ...
----------------------------
وبالنسبة للفور زائد فور .. والثري باي ثري ...
احنا هنبدأها كده .. انت فور وأنا ثري ؟!!...
عموماً مفيش مشكلة علشان الناس تعرف تميز بين المواكب بتاعتنا لما نمشي في الشارع ...
على كده هنعطي (آيــة) عربية تو على تو ... ماهو كل واحد على قد وظيفته ...
----------------------------
بس أسمحلي يا ريس أرد على سؤال (المفتكسة الكبيرة) وزيرة خارجية (جمهورية فرحات) ...
لما قالت (طب والشعب هيركب ايه وقتها دونكي كورلا؟ ولا النسيان توك توك ..) ...
أنا بالنسبة لي مش ناوي أركب الشعب من أصله ...
مش استخسار فيهم ... لأ أبداً ...
لكن ياجماعة لازم تعرفوا ان المشي رياضة .. فإحنا لازم نحافظ على أن شعب جمهورييتنا .. لازم يكون شعب رياضي ...
هي دي النظرية أحسن حد يفهمنا غلط وللا حاجة ...
في15,كانون الأول,2007 - 02:27 مساءً, فرحـــات كتبها ...
والله يا سيدي كلامك جميل ومقنع برده
شوف يا سيدي اي حاجة فيها توفير من ميزانية الشعب انا معاك فيها
وبعدين عيبها ايه الرياضة ... حلوة علشان برده الصحة بتاعة الشعب تبقي تمام
في15,كانون الأول,2007 - 06:59 مساءً, aya esmael كتبها ...
سيدي الرئيس انه لفخر لي باختيارك لي وزيرة للخارجية منعا للقر والحسد ودع الحقد جانبا الان
هذا وقد تم الموافقة النهائية من رئيس الوزارة يعني ميقدريش يرجع في كلامه اساسا لاي اسباب شخصية او افتكاسية وهو عارف ( الا اذا) --- لاحسن تلميحاته مش عجباني الايام دي
وانا راضية بعربية تو ---علي -----تو مؤقتا وعايزة كمان 3 عربيات وان--- في------ وان عشان البلطاجية بتوعي قصدي الحرس بتاعي
كويس جدا ان عربيتي تبقي مختلفة عشان لو في محاولات اغتيال لحضرتك او للرئيس الوزارة ابقي انا في الامان والحمد لله
-
اما الشعب حضرتك فانا هريحك منه خالص مش تشيل همه
نوفر لهم ميكروبات يركبوها او تركبهم هي
لكل مواطن ميكروب ينقله للي هو عايزه---- دة حضرتك ممكن كمان ينقلهم لعالم اخر !!!
لا تقولي رياضة ولا غيره
هاه ايه راي حضرتك
طيب ارجع لاحتياجاتي كوزيرة خارجية
عايزة طيارة هيلي -----من ام مراوح دي---- عارفها
مش وزيرة خارجية يعني وارد اني اسافر برة في اي وقت وخليها من النوع ابو مروحتين عشان خاطري لاحسن مروحه تقف تبقي التانية شغالة
اة مهو العمر مش بعزقة سيادتك
واخيرا وليس اخرا
هنزل شعار سيادة رئيس الوزراء من بكرة ( عيش ندل ----- تموت مستور)
بالاضافة لشعاري ( عيش جبان ------ تموت مرتاح)
وفي انتظار شعار سيادئك ايها الرئيس
عشان كله هيضاف اجباري علي المناهج الدراسية والمدرسية والجامعيه ( بعد ما حضرتك تتخرج طبعا)
هاه حضرتك راضي عني ؟؟
في15,كانون الأول,2007 - 11:31 مساءً, فرحـــات كتبها ...
وزيرة الخارجية ( aya esmael )
الف مبروك عليكي الوزارة
ومرحبا بكي في عالمنا الخاص عالم جمهورية فرحات
-------------
يا ستي كل طلباتك اوامر بس في ملحوظة
بلاش حكاية الطيارة دي ليييييييييه ؟؟؟ اقولك ليييييييييه ...
علشان لو الشعب عمل ثورة ضدنا متطريش انت بالطيارة وتسبيني انا ورئيس الوزراء نتسجن او نتنفي او نتقتل وانت تخدي الجمل بما حمل .. ( قصدي الطيارة ) وتطيري بره البلد ....
علشان كده ممكن نستبدل الطيارة بثلاث عربيات اضافية من نفس موديل رئيس الوزراء
اللي هيا ثري باي ثري .
هيه ايه رايك ؟؟؟؟
--------------------------
وبالنسبة للشعب فوالله اللي الحكومة شيفاه يبقي هو دا اللي هيمشي
لان الشعب بتاعنا لسه صغير ومعندوش وعي كبير بالساسة يعين تقدري تقولي عليه
شعب تحت السن القانوني واحنا بقا الواصيين عليه
--------------------------
بالنسبة للشعارات بتاعتكم ..
انتم احرار في اختيار شعارتكم وكل واحد مسؤل عن شعاره امام الشعب
بالنسبة لشعاري
فهو مكتوب تحت عنوان الجمهورية في اول صفحة
( مش هتقدر تسد وداااانك )
والشعار ده مقتبس هنا من
اني بحب ازيل الجهل عن اي حد اقبله والاقيه جاهل او مش عارف حاجة انا عارفها
فبحب اعرفه اللي انا عارفه كله ..
وبما ان الشعب بتاعنا جاهل تماما ... وانا طبعا رئيسه عارف كل حاجة
فيبقي الشعب هيسمعني ويتعلم مني كل حاجة ومش هيقدر يسد وداانه خالص
علشان انا الرئيس وبتكلم ...
ايه رأيك ؟؟؟
------------
طبعا انا راضي عنك يا سيادة الوزيرة والا مكنتش اختارتك في المنصب ده ؟؟!!!!
يلا بقا عاوزكم تحفظوا الشعب الشعارات بتاعتنا الجديدة
ابدأووووا
في27,كانون الأول,2007 - 11:04 صباحاً, مجهول كتبها ...
السلام عليكم ورحمه الله وبركاته
عادى لما ريس جمهوريه يركب ميكرو باص
زهق من العربيات الملاكى بتعته
قال.......لماغير
المهم ........ ان الميكروباص الجديد
سريع والواحد وهو راكب مضايق من من الركبه مخنقه
وكمان الى يشوفها من بره يقول .....بس هى دى استنى بقى لما نركب فيها ......... اه اه اه اه اه اه
لو سمحت نزلنى
انا امشى احسن ويا سلام بقى على الكرسى الخير الى انا بقول علي....(كرسى المراجيح)...........والى عاوز يتمرجح ير فيه
والمفروض يلغوا الكرسى الاخير
انا عارف يا ريس ان عدد الركاب المفروض لا يزيد عن العددالى المرور سمحه بيه ولاكن بقى ان السوائن بتوعنا ربنا يااااااااااااااااااااااا خدهم بيركبوا ............. جمب السواق 3 وواحد اعد جمب السواء من على الشمال ........ونرجوا من سيادتك
انك تنظر فى هذه المشكله وتتخذ الازم
ــــــــــــــــــــــــــــــــــــــــــــــــــــــــــــــــــــــ
انا عارف ان انت موش هتعمل حاجه
صح
ولو كنت هتعمل
ياااااااااااااااااارب يوفقك
يلا مع السلامه بس هرجع اشوف الرد
سلاااااااااااااااااااااااااااااااااااااااااااااااااااااااام ياريس
في27,كانون الأول,2007 - 11:05 صباحاً, مجهول كتبها ...
انا مستنى الرد
مع السلامه
في28,كانون الأول,2007 - 01:51 مساءً, فرحـــات كتبها ...
والله يا سيدي الفاضل ( المجهول )
شكرا لمرورك وتعليقك واهتمامك
ويارب تنورنا علطول
احنا اصدرنا قرار بان اي سواق في جمهورية فرحات يتمسك
وهو مركب اكثر من العدد المحدد من قبل المرور
يتحبس سنة سجن مع الشغل والنفاذ
وبكده الكل هيمشي مظبوط ويرركب العدد مظبوط
في29,كانون الأول,2007 - 06:57 مساءً, ....(المواطن ..(المجهول كتبها ... (غير موثّق)
ان بشــــــــــــــــــــــــــــــــــــــكرك يا ريس ...........(فرحات)...
باهتمامك البــــتالغ بكل فــــرد من افـراد .........(جمــــهوريه فرحــــــــــات).....
وانا بدعـــو الله ان يوفقــــــــك فى ادارة حـــــكم الجمــــهوريه
والعمــــــــــل ليل نهار على توفـــير كافـــــه احتـــــياجات المــــــواطنين
وانا من هنا من مقرى هذا اناشد
كل مواطنين جمهوريه ........(فـــرحات )..........
بان يطيعوا الرئيس .فرحات ....
ــــــــــــــــــــــــــــــــــــــــــــــــــــــــــــــــ
المواطن ....(المجهول).......
في31,كانون الأول,2007 - 11:56 صباحاً, فرحـــات كتبها ...
الاخ ( المجهول )
ان متشكر جداا علي كلامك
وشكرا اكثر علي زيارتك للمدونة واهتمامك
وكل سنة وانت طيب
في02,كانون الثاني,2008 - 07:23 صباحاً, محمود كتبها ...
full alik ya rayes
في02,كانون الثاني,2008 - 11:39 مساءً, فرحـــات كتبها ...
الاخ ( محمود )
الله يخليك
وشكرا للزيارة
واهلا بيك في الجمهورية
في24,كانون الثاني,2008 - 09:20 صباحاً, محمود كتبها ...
سيادة الريس
الحمد لله إن قريت الرسالة فى مدونتى و أخيرا قررت تكون زى الشعب تركب ميكروباص
و بعدين ما تسمعش كلام الواد المفتكس اللى بيحض على الفساد المالى و بيقول خلى
الشعب رياضى
ده شعبنا شبع رياضة يا ريس و ياريت تصرفوا للشعب قبايب بالعجل لتوفير البنزين و حفاظا
على البيئة
و بعد حملة توزيع المناصب بتاعتكم الواد رئيس الوزارة المفتكس و الست آيه وزيرة
الخارجية و الغالية نسرين وزيرة إيه
على فكرة لسه فيه منصب شاغر ياريت تقول لنا عليه
تحياتى و إحترامى و تعيش جمهورية فرحات العربية الميكروباصية
في02,شباط,2008 - 03:39 مساءً, فرحـــات كتبها ...
الاخ محمود
شكرا لمرورك
انت فين من زمان يا راجل
انا اسف للتأخر في الرد عليك ... الاسباب موضحة بالادراج الاخير ( صورة وضحكة وتعليق )
------------------------------
والله يا حاج محمود رئيس الوزراء كان بيقول رأيه وطبعا انت عارف اننا بنفذ علطول مش بناخد رأي حد ........ لكن رئيس الوزراء علي دماغنا برده
-------------------------------
وبالنبة لزهرة النسرين فهي وزيرة الخارجية
والمنصب الشاغر اعتقد ان الحكومة كلها لسه فاضية وشاغرة
...............
في31,آذار,2008 - 08:58 مساءً, ibrahem_hossny كتبها ...
ربنا يهدى