ازيكم يا أهل جمهورية فرحات وحشتوني جدااا وكمان الوزراء ورئيس
الوزراء الكرام اللي سألوا عليا كتير وانا في الامتحانات .. الحمد لله
حليت كويس ويارب النتيجة تكون كويسة في منتصف مارس ان شاء الله
الادراج ده حبيت افرحكم واضحكم بشوية صور جميلة مضحكة
الصورة الاولي
ومكتوب فيها .. الجمعية الجغرافية .. الحمام مغلق بسبب سرقة الشطافات .. بعد التصليح الحمام مراقب
خلي بالك اوعي حد يدخل الحمام ده لحسن يكونوا حاطيين كاميرات مراقبة بجد وتبقي مصيبة
الصورة الثانية
ومكتوب فيها .. سلسة محلات حلويات العبيط
ازاي عبيط وازاي عنده سلسة محلات ؟؟؟!!! ازاي؟
الصورة الثالثة
ومكتوب فيها .. رحلة سعيدة
سعيدة فين والناس راكبة علي الاكسدام بتاع الاتوبيس
الاتوبيس ده شكلة كده رايح من القاهرة لشرم الشيخ يعني فردة كعب بتاع حوالي 5 ساعات بس يعني الناس اللي متعلقة مش هتلحق تتعب من الشعلقة في الاتوبيس .. بسيطة
الصورة الرابعة
ومكتوب فيها .. احترس العقار آيل للسقوط غير مسئول
لكن مكتوب بللغة هيلوغريفية شوية مش مصريين وفراعنة وكده لازم يفتكسوا في الكلام .. او تقريبا اللي كتب اليافطة دي لسه بيتعلم عربي لان لغته الاولي هيلوغريفي .. ربنا معاه
الصورة الخامسة والاخيرة
ودي بقا سايبها لاستنتاجتكم انتم زواري الكرام .. الجدع فيكم يقولي الواد دا بيعمل ايييييييه ؟؟؟؟
يارب اكون قدرت ارسم بسمة علي وجوهكم الكريمة
ملحوظة
الصور كنت ناوي انشرها هنا في المدونة يوم 20 ديسمبر ولكن لظروف ما اتأخرت في نشرها وجريدة المصري اليوم التي تصدر بمصر نشرتها في نهاية شهر ديسمبر تقريبا يوم 28 ديسمبر 2007
والصور دي وصلت لي عن طريق الايميل من صديق مصري بالرياض
كتبها فرحـــات في 12:30 مساءً ::
زوار مدونتي الأعزاء
كل عام وانتم بخير
أنا أسف جدااا علي التأخير في العودة إلي المدونة وأيضا في زيارتكم خلال الشهر الماضي شهر يناير 2008 وذلك بسبب ظروف الامتحانات ( نصف العام ) الترم الاول
والحمدلله الامتحانات خلصت علي خير وابدأت الاجازة ...
ولكن الاجازة بالنسبة لي ملغية وذلك بسبب التدريب العسكري ...
وهو تدريب لمده 15 يوم في الجيش المصري لطلاب الجامعات الذكور ولابد من انجازه
قبل الحصول علي الشهادة الجامعية ... ( مقدرش اتكلم عنه اكتر من كده ... !!!! )
المهم عدي اسبوع من التدريب وطبعا خلال فترة التدريب نادرا لما بعرف ادخل انترنت
واليوم الوحيد الاجازة وهو الجمعة طلع الانترنت فاصل في مصر كلها ...
لكن الحمد لله قدرت انتهز الفرصة انهارده وادخل علي شبكة الانترنت خصوصا ان الخدمة
رجعت تاني لكن بطيئة شوية ...
------------------------------------------
شكرا لكل اللي سألوا عليا انا فعلا فرحان ان في اصدقاء ليا اوفيات بيسالوا عليا لما بغيب
متشكرا جدااااااااا
-------------------------
الانسة أية اسماعيل
وزيرة المالية والقائم باعمال وزير التعليم لحد مانلاقي وزير تعليم
شكرا علي سؤالك وعلي رسالتك اللي وصلها لي المفتكس .
وشكرا علي سؤالك عني في الجمهورية ..... فعلا اخت طيبة وعظيمة .
------------------------
أختي زهرة النسرين
وزيرة الخارجية
شكرا علي امنياتك وسؤالك ... انت نعم الاخت ... متشكرا جدااا
-----------------------------
المفتكس
شكرا علي مساعدتك لي لنشر الموضوع الحالي بالشكل الحالي ..
مش عارف من غيرك كنت عملت ايه ؟؟...
-------------------
والف شكر لكل زورا المدونة
اخيكم
فرحـــــــات
جميله جدا الصور دي
بس الاخير ده بيعمل ايه ؟ بيشم كاوتشات .. مدمن كاوتشات يعني؟
اختي yes 4 ever
اهلا بك في مدونتي الصغيرة
وشكرا جدااا علي تعليقك
الحمد لله ان الصور عجبتك
الاخير ده والله مش عارف
الظاهر في ربع جنيه مخروم وقع منه تحت وبيدور عليه ؟؟؟؟ !!!!
قرار جمهوري رقم 1 لعام 2008
قررنا نحن رئيس الجمهورية ( جمهورية فرحــات ) التالي ..
تعيين المدون الاستاذ محمود صاحب مدونة المهاجر
وزير الاعلام بجمهورية فرحـــات بداية من شهر فبراير 2008
-------------------------------------------------------------------
برجاء التكرم يا استاذ محمود بالحضور الي القصر الجمهوري بالجمهورية لتسلم المنصب
امضاء
رئيس الجمهورية
فرحــــات
your highness
thank you for your trusting